Эх...

Эх хүн. Эх хүн бол дээд төрлийн хүн. Эх хүн бол бүх зүйлийн эх, бүх зүйлийн ундрага. Эх хүн хамгийн ухаантай. Бурхнаас илүүгээр би ээждээ итгэдэг, ээжийгээ хайралдаг. Эх хүний шүүмж, зэмлэл маш хурц байх нь чамайг галзууруулах дөхөх нь энүүхэнд байдаг. Гэвч ижийгийн үг эцэс сүүлд нь хамгийн зөв байх нь гарцаагүй зүйл. Эх хүн бол бүх мэргэжлийг нэг дор эзэмшисэн дээдийн дээд боловсролтой нэгэн. Тэр хүн бол бурхан. Тэр чамайг хайрлаж энхрийлж, тэжээж, тэтгэж, хувцасладаг. Гуньсан үед чинь найз чинь байж өвдсөн үед эмч чинь болон хувирдаг. Энэ хорвоо дээр ямар ч эмэгтэй хүн эх шиг чинь чамайг хайрлахгүй. Хөгшин залуу архичин тамхичин луйварчин хулгайч дээрэмчин оргодол ялтан байсан ч эхдээ бид бүхэн үүрд манцуйтай нялх үр шиг нь санагдсан хэвээр байх болно. Эх хүн бол бурхан. Эх хүн ямар ч хүнийг алаг үр шигээ хайрлахад бэлэн байдаг нэнжин сэтгэлтэй бурхан. Тиймээс ч ижийтэй хүн үхдэггүй юм гэсэн үг гарсан байх. Ижий минь таа зуу насалж үр ач бидэндээ өр их элбэрэлээ үүрд мөнхөд үзүүлэн яваарай.

Айдас...

Айдас гэж яг юу вэ? Энэ бол зүгээр шөнөөр гадаа гарахаас айхыг аль эсвэл ууланд буг чөтгөртэй таарахаас айхыг хэлэх хэрэг биш юм. Энэ бол бүх насаараа бүхий л амьдралынхаа туршид айдсандаа баригдаж боогдож амьдрахыг хэлдэг юм шиг надад санагдана. Хүн бид багаасаа л ямар нэгэн алдаа гаргавал зэмлүүлж өсдөг. Үүнээсээ суралцаж цаашид ижил төрлийн алдааг давтахгүйг хичээдэг. Давтвал дахиад л зэмлүүлэх учраас. Ийм байдал нь нэг талаасаа биднийг дахин алдахаас сэргийлж байгаа боловч биднийг шинэ зүйл туршихаас эмээх сэтгэгдэлтэй болгон өөрчилдөг. Цаашлаад өөрийнхөө яг юу хийхийг хүсэж буйг мэдэхгүй болоход хүртэл сохлох аюултай. Ахиад л нөгөө зэмлүүлэх вий гэсэн эмээлт. Би бол яг л тийм хүн. Надад хүсдэг юм бий, гэвч би хүслийнхээ төлөө юу ч хийдэггүй. Яагаад гэвэл би алдахыг хүсэхгүй. Энийг орхиод ийшээ явчихсан чинь энийг би хийж чадахгүй бол яах вэ гэсэн бодол миний толгойд байнга эргэлдэнэ. Иймээс би юу ч хийх сонирхолгүйгээр өдөр хоногийг өнгөрөөнө. Ийм байж болохгүйг мэдсээр байж би айдасдаа дийлдэнэ. Дургүй зүйлээ хийхийг хүсэхгүй байгаа тул залхуурна, хүний адагт үлдэнэ. Тэр үед яагаад би ингэх ёстой юм гэж дахин бодох боловч тэрийг сонгоод би ирээдүйд хоолоо олж идэж чадахгүй бол яах вэ гэж бодно. Хааяа Монголд төрсөндөө харамсана, ирээдүйгээ бодоод айдасд автана. Ийм байдалтай байхыг хүсэхгүй ч ингэж амьдарсаар үхэх болно. Энэ бол арчаагүй хүний амьдрал, энэ бол миний амьдрал.

Эсвэл энэ бүхэн зүгээр л өөрийнхөө залхуу арчаагүй байдлыг булзайруулах гэсэн миний нэгэн оролдлого ч байж бас болох юм...

Rest in Peace Michael!

Алдарт дуучин попын хаан Майкл Жексон хорвоогийн мөнх бусыг үзүүлээд хэдийнээ нэг жил орчим болчихожээ. Саяхан түүний кино болон клипийг нь үзэн суухдаа надад яагаад ч юм маш их уй гашуу төрөхийг анзаарлаа. "Яагаад тэр гэж яагаад ийм сайхан амьтныг ийм эрт аваад явчихаваа." хэмээн дахиад л өнөөх бурханыг үзэн ядна. Үнэхээр л энэ хүн амьд домог байж. Үнэхээр л энэ хүн дэлхийг нэгтгэж чадаж. Хэдэн жилийн өмнө хэвлэл мэдээллээр насанд хүрээгүй хүүхэд садар самуунд уруун татсан хэмээн бичиж нилээдгүй хэдэн шүүх хурал дамжсаны эцэст тэр буруугүй хэмээгдэн суллагдсан. Тухайн үед түүнд ямар сэтгэгдэл төрж байсан бол? Надад бол тэр ямар байх нь хамаагүй, тэр гомосекс байна уу эсвэл бэлгийн гаж донтон байна уу ямар ч ялгаа байхгүй, түүний уран бүтээл нь агуу, дэлхийн үнэт баялаг гэж нэрлэхэд хэзээ ч буруутахгүй гэж би боддог. Бага балчир байхаасаа л түүний хөгжмийг сонсож биширч бахархаж бүжиглэж өсөхдөө "Майкл Монголд ирээсэй тэгвэл хамгийн ёстой гоё доо. Тэгвэл би хамгийн урд талын эгнээнээс үзнэ дээ" гэх мэтээр байнга л боддог байлаа. Гэвч одоо энэ боломж аль хэдийн өнгөрсөн бололтой. Харамсаад харамсаад барахгүй юм даа хэхэ. За за амар амгалангийн оронд тайван нойрс доо Поп хөгжмийн ХААН минь!

Your admirer Battulga Tsogbadrakh

A walk to Remember (Soundtracks)

I've got to say this movie, this songs and the chick who starred in the movie and sang the song :P really inspired me a lot. I uploaded some of the songs that I've got it from my man Thug-E here so check it out. I know you're gonna love them. And this is highly recommended movie to see. Unfortunately, there's no way I can upload the whole movie here :P So enjoy the music :D


http://www.4shared.com/file/248933136/fc20d03c/Mandy_Moore_-_Someday_Well_Kno.html

http://www.4shared.com/file/248933157/dd7d472c/Mandy_Moore_-_Its_Gonna_Be_Lov.html

http://www.4shared.com/file/248933154/44741696/Mandy_Moore_-_Only_Hope__A_Wal.html

http://www.4shared.com/file/248933136/fc20d03c/Mandy_Moore_-_Someday_Well_Kno.html

A walk to Remember

A walk to Remember.
2010 оны 3 сарын 25-н. Миний найз надад энэ киног үзэхийг зөвлөсөн учраас өнөөдөр цаг гарган үзлээ. Надад бүр хэлэх ч үг олдохгүй байна. Энэ бол гайхамшиг. Яагаад ч юм одоо энийг бичээд сууж байхад хүртэл сэтгэлд минь нэг зүйл тийчигнэх шиг санагдана. Яагаад ч юм энэ киноны дараа амьдрал миний нүдэнд өөрөөр харагдах шиг. Сэтгэл минь жоохон хэцүү ч болчих шиг бүр амар амгалан ч болчих шиг. Агуу хайр сэтгэл гэдэг л ёстой энэ байх даа. hehe...

Тамхины эсрэг аян

Зээ Мэдээлэл Холбоо Технологийн Сургууль сая 11-р сарын 9-ний өдрөөс эхлэн архи тамхины эсрэг эрчимжүүлсэн нэг сарын аян зохион байгуулж гэнэт ухаан самуун нь тэнгэрээс унаад ирсэн юм шиг тамхичин мань мэтийг илт гадуурхаж эхлэх нь тэр ээ. Өчнөөн жилээр үргэлжилсэн завсарлагаа алдалгүйгээр оюутны зөвлөл, оюутан гэлтгүй сургуулийн оюутнууд бүгд л ам амандаа янжуур зуун үүдэндээ жагсаж зогсож байгаад тамхилдаг заншил нэг мэдэхэд л алга болжээ. Бүр ах хүүг сургуулийн үүдэнд нэг удаа мэдэлгүй тамхи татсаныг мундаг авъяаслаг паппарази нар нь агшин алдалгүй зураг дараад сургуулийн үүдэнд томоос томоор бичсэн "БОЛЪЁ ОО" гээч самбар дээр хадсан байх юм. Ичих биш инээд минь хүрж суулаа. Ашгүй тэдний ачаар уйтгар гуниг дүүрэн холбооны сургуульд таньдаг хүнтэй болох нь гэж нэг талаас бас баярлах шиг. Оюутны зөвлөлийн хийдэг ажил тэгээд ердөө л энэ юм байх даа. Тэрний оронд яаж ийж байгаад хэдэн жорлонгийнхоо суултуурыг засаад хажууд нь нойлийн цаас тавьчихвал илүү үр бүтээлтэй ажил болох байх гэж би бодном. За тэгээд нэгэнт л тамхи татдагаас хойш одоо яалтай ч билээ сургуулийн од болоод л байж байхаас.

Хэцүү анги, Хэцүүхэн ч кино!

За өнөөдөр Монголын үндэсний олон нийтийн телевизээр нээлтээ хийсэн хэцүү анги киног сонирхолоо. Надад бүр хэлэх ч үг олдохгүй байна. Анх youtube-ээр хэдэн сцен үзээд л би хараал урсгахын хажуугаар Монгол кинонуудыг өрөвдөж суулаа. Миний сэтгэл гаргаж бичсэн comment-ийн хариуд уг киноны продюсер намайг өрөвдөж байгаагаа илэрхийлсэн хариу захиа бичиж билээ. Тухайн үеийн миний бодол буруу байсан юм болов уу гэж бодон өнөөдөр уг киног хичээнгүйлэн үзлээ. Үнэнийг хэлэхэд надад бүр хэлэх ч муу үг олдсонгүй. Муухан теле зохиомж үзэж байгаатай ялгаагүй мэт санагдав. Уг кинонд өсвөр насны охид хөвгүүдийг шалгаруулалтанд оруулж сонгон авсан гэхэд ямар сохойсон хүн нь ийм амьтдыг авчихдаг байна аа гэсэн бодол төрж суув. Жүжиглэлт гэдэг зүйлийг би 40 минутын турш анхааралтай ажиглан суусан боловч ердөө ч харж чадсангүй. Киноны төгсгөлд уг киног MNB-ийн сэтгүүлч бүсгүй Оюундарь продюсэрлэсэн болохыг мэдэж аваад айхын ихээр айж өрөвдөхийн эрхээр өрөвдөх шиг. Оюундарь бүсгүйд хандаж хэлэхэд эхлээс сайхан кино үзээд, кино гэж юу байдгийг мэдэж авчихаад дараа нь хөнжлийнхөө хирээр хөлөө жийсэн юм хиймээр юм. Би их мундаг кино шүүмжилээд байхаар түвшиний мэдлэгтэй хүн биш байх л даа. Гэвч кинонд хайртай хүний үүднээс, нэн түрүүнд үзэгчийн үүднээс миний харсан зүйл бол зүгээр л 40 минутын турш энгийн нэг сонирхогчийн камераар хэдэн дүрс авснаа эвлүүлчихсэн, юу ярьж байгаа нь сонсогдохгүй байхад кино гэж нэрийдсэн хувийн бичлэг мэт санагдлаа. Нэгэнт л хөрөнгө мөнгө зарж хийж байгаа зүйл учир кино хийж баймаар юм. Теле жүжиг үзсээр байгаад залхаж ч байх шиг. Эцэст нь хэлэхэд уран бүтээлчид битгий ийм хоёрын хооронд авцалдаагүй өрөвдмөөр юм хийж байгаачээ. Түүгээр чинь зарим нэгэн хүмүүс хүмүүжээд нүд нь сохроод байна шүү дээ!!!